काठमाडौं- प्रधानमन्त्री सुशीला कार्की र संघीय संसद्को दुवै सदनका प्रमुख र उपप्रमुखहरूबीच बालुवाटारमा भेटवार्ता भएको छ।

उनीहरूबीच समसामयिक विषयमा कुराकानी भएको छ। पछिल्लो समय प्रधानमन्त्रीले राजनीतिक दलसहित विभिन्न सरोकारवाला निकायसँगको संवादलाई तीव्र पारेकी छन् ।

खासगरी फागुन २१ गते चुनाव गराउनुपर्ने दबाबमा रहेकी प्रधानमन्त्री कार्कीले त्यही विषयमा केन्द्रित भएर छलफल चलाइरहेकी छन् ।

सोमबार प्रतिनिधि सभाका सभामुख देवराज घिमिरे, राष्ट्रिय सभाका अध्यक्ष नारायणप्रसाद दाहाल, उपसभामुख इन्दिरा राना, राष्ट्रिय सभाकी उपाध्यक्ष विमला घिमिरे, संसदका महासचिव पद्मप्रसाद पाण्डे तथा सचिवद्वय हर्कराज राई र रोजनाथ पाण्डे प्रधानमन्त्रीसँग छलफलका लागि बालुवाारमा पुगेका छन् ।