काठमाडौं- नेकपा माओवादी केन्द्रका संयोजक पुष्पकमल दाहाल प्रचण्डले कात्तिक १७ गते पार्टी महाधिवेशन आयोजक समितिको बैठकसम्म जनार्दन पनि एक ढिक्का रहने दाबी गरेका छन्।

उनले पार्टी बैठकमा जनार्दन उपस्थित भएर फरक मत राखेको तर फरक मत राख्ने बित्तिकै निस्किएको प्रति भने आपत्ति जनाए । उनले आफ्ना कुरा राख्ने तर अरुका कुरा नसुन्ने जनार्दनको शैली ठिक नभएको बताए ।

‘बसौँ भन्दाभन्दै उहाँ निस्केनुभयो । आफ्ना कुरा राख्ने र अरुका कुरा नसुन्ने उहाँको शैली ठिक थिएन।’ बैठकपछि पत्रकारहरूसँग कुरा गर्दै प्रचण्डले भने, ‘अहिले पार्टीमा एकताको पक्षमा एक ढिक्का छौं । १७ गतेको बैठकसम्ममा जनार्दन पनि एक ढिक्क रहनुहुनेछ ।’

संयोजक प्रचण्ड अन्य थप कुरा बोल्न चाहेनन् ।