एजेन्सी– इङ्ग्लीस प्रिमियर लिगमा ६९ अंकसहित लिभरपुल शीर्ष स्थानमा उक्लिएको छ । बुधबार राति भएको खेलमा लिभरपुलले वार्टफोडलाई ५-० गोल अन्तरले पराजित गरेको छ ।

लिभरपुलको जितका लागि सदियो माने र भान डिज्कीले समान २-२ तथा डिभोक ओरिगिले एक गोल गरेपछि लिभरपुलले वाट्फोर्डको पोष्टमा ५ गोल गरेको हो ।

लिभरपुलका लागि सदियो मानेले खेलको ९ र २० औं मिनेटमा गोल गर्दै टिमलाई सुरुवाति २० मिनेटमा दोहोरो अग्रता दिलाएका थिए ।

त्यस्तै, पहिलो हाफमा २-० ले अघि रहेको लिभरपुलका लागि ओरीगीले ६६ औं मिनेटमा टिमका लागि तेस्रो गोल गर्दै लिभरपुललाई ३-० को अग्रता दिलाए ।

लिभरपुलविरुद्ध कमजोर प्रदर्शन गरे्को वाट्फोर्डले लय समात्न नसक्दा खेलको ७९ औं र ८२ औं मिनेटमा डिजिकीले टिमका लागि गोलको अग्रता दिलाएका थिए भने उनले व्यक्तिगत दुई गोल गरे ।

जीतसँगै लिभरपुल लिगको शीर्ष स्थानमा पुगेको छ भने पराजित वाट्फोर्ड ४० अंकसहित नवौं स्थानमा छ ।