काठमाडौँ- प्रधानमन्त्री सुशीला कार्कीले जेनजीहरूको बुझाइमा आकाश-जमिन परिवर्तन आएको बताएकी छिन्।

उनले सुरुमा अनेक माग लिएर आउने गरेकोमा अहिले भने जेनजीहरू संविधान, व्यवस्थाको कुरा गर्दै चुनावमा जानुपर्छ भन्ने विन्दुमा आइपुगेको सम्पादकहरुसँगको आजको छलफलमा जानकारी दिइन्।

बालुवाटारमा सम्पादकसँग प्रधानमन्त्री कार्कीले जेनजीहरूको बुझाइ बदलिएकोमा खुशी व्यक्त गरिन्।

उनले भनिन्,‘डे वानका जेनजी र आजका जेनजीबीच आकाश जमिनको फरक छ, अहिलेले हामीले भन्दा राम्ररी कानुनका कुरा गर्ने भएका छन्। बुझाई कति राम्रो भएको छ। अस्ती २०,२१ वटा ग्रुपसँग कुरा भयो। उहाँहरूका कुरा देख्दा त रामचन्द्र पौडेल, शेरबहादुर देउवा युवा हुँदाका जस्ताको पनि देखेँ।’