काठमाडौं– नेकपा (एकीकृत समाजवादी)का सम्मानित नेता झलनाथ खनालले अब नयाँ पार्टी बनाएर राजनीति अघि बढाउने बताएका छन्।

आज शुक्रबार साँझ सम्पन्न केन्द्रीय कमिटीको बैठकले पार्टीलाई नेकपा माओवादी केन्द्रसँग एकता गर्ने निर्णय गराएसँगै असन्तुष्ट रहेका खनालले नयाँ पार्टी निर्माणको घोषणा गरेका हुन्।

उनले खबरहबसँगको कुराकानीमा भने, ‘अहिले जेजे भयो त्यसमा मैले असहमति प्रकट गरिसकेको छु। मैले बोल्न खोज्ने बित्तिकै षड्यन्त्रमूलक ढंगले माइक काटियो। तानाशाही रूप देखाएर बैठक अन्त्य भयो।’

अब तपाईँ र तपाईँसहितका असन्तुष्ट पक्ष के गर्छ त? भन्ने प्रश्नमा उनले भने, ‘केके नै गर्ने भनेर माओवादीसँग एकता भन्ने माधवहरु गइसकेपछि हामी नयाँ पार्टी बनाउँछौँ।’