त्रिपोली– पश्चिमी लिबियाको जाविया तटमा आप्रवासी बोकेको डुङ्गा डुबेर दुर्घटनाग्रस्त हुँदा कम्तीमा १८ जनाको मृत्यु भएको जनाइएको छ ।
जावियाको आपत्कालीन सेवा तथा उद्धार टोलीहरूले डुङ्गाबाट ९२ जनाको उद्धार गरी उनीहरूको जीवन बचाउन सफल भएको उल्लेख गर्दै समुद्रमा डुङ्गा डुब्दा बेपत्ता भएका व्यक्तिहरूको खोजी जारी रहेको बताएको छ ।
लिबियाका अधिकारीहरूले हालै बेनगाजीको पूर्वमा लिबियाको तट पार गर्ने अनियमित (गैरकानुनी) आप्रवासीहरूको सामूहिक प्रयासलाई असफल तुल्याएको जनाएका छन् ।
पछिल्लो समय लिबिया युरोप पुग्न खोज्ने अनियमित आप्रवासीहरूका लागि ट्रान्जिट पोइन्ट बनिरहेको जनाइएको छ । रासस
प्रतिक्रिया