काठमाडौं– वायुसेवा संचालक संघ (आयोन)ले जनकपुरस्थित बुद्ध एयरको काउन्टरमा तोडफोड गर्ने सांसदलाई कारबाही नगरे निजी उठानहरु ठप्प पार्ने चेतावनी दिएको छ ।
आयोनले विज्ञप्ति जारी गर्दै विमानस्थलमा तोडफोड गर्ने सांसद प्रमोद शाहमाथि कारवाही गर्न सरकारलाई ७ दिने अल्टिमेटम दिएको छ । घटनाको निस्पक्ष छानविन गरी दोषीमाथि तत्काल कारबाही गर्न आयोनको माग छ ।
उक्त समयावधिभित्र पनि कुनै कारबाही नभए जनकपुरमा भइरहेको सम्पूर्ण उडान बन्द गर्ने विज्ञप्तिमा उल्लेख गरिएको छ ।
सर्लाही १ का सांसद साहले सामेबार बुद्ध एयरको जहाज उडानमा ढिलाइ भएको भन्दै बिमानस्थलमा रहेको बुद्ध एयरको चेकइन काउन्टरमा तोडफोड गरेका थिए ।
प्रतिक्रिया