काठमाडौं- जेन–जी आन्दोलनपछि एकाएक चर्चामा आएका मिराज ढुंगानाले नयाँ बानेश्वरस्थित एभरेस्ट होटेलमा पार्टी घोषणाका लागि पत्रकार सम्मेलन गरेका छन् । सम्मेलनमा मिराज र उनका समूहका केही सदस्यहरुको उपस्थिती रहेको छ ।

उनले आयोजना गरेको पत्रकार सम्मेलनमा होहल्ला मच्चिएको छ ।

पत्रकार सम्मेलनमा एक जना पत्रकारले कडा प्रश्न सोधेपछि एक्कासी होहल्ला मच्चिएको हो । प्रश्नकर्ता पत्रकारले उनलाई ‘पार्टी खोलिसकेपछि जनताको मत दुरुपयोग भए गोली हान्ने’ आशयको प्रश्न सोधेका थिए । त्यसपछि मिराज र उनको समूहले ती पत्रकारको प्रश्न सोध्ने शैलीमा आपत्ति जनाएका थिए ।

त्यस्तै, केही पत्रकारले एभरेस्टजस्तो महङ्गो होटेलमा कार्यक्रम आयोजना गर्ने पैसा कहाँबाट आयो भन्ने प्रश्न गरेपछि पनि केही समय पत्रकार सम्मेलनको वातावरण अशान्त भएको थियो । यसको जवाफमा मिराजले पत्रकार सम्मेलन गर्ने सुविधा सित्तैमा पाएको जवाफ दिएका थिए ।