काठमाडौं– नेकपा एमालेका अध्यक्ष केपी शर्मा ओलीले वर्तमान सरकारको विषयमा आफूले भनेभन्दा बाहिर गएर सरकार गठन गरेको गरेको बताएका छन्। 

उनले आफूले असहज परिस्थितिका बीचमा राजीनामा दिएको बताउँदै अन्तरिम सरकारकी प्रधानमन्त्री सुशीला कार्कीले संविधानसम्मत सरकार गठन नगरेको आरोप लगाए । 

ओलीले दचुत भएपछि बनेको  प्रधानमन्त्री सुशीला कार्कीको अन्तरिम सरकार र ओलीले मुख्य राजनीतिक दलहरूका बीच सहमति निर्माण गर्ने र कुनै पनि अर्थमा प्रतिनिधिसभा विगठन गर्नु नहुने स्पष्ट धारणा हुँदाहुँदै पनि सरकार गठन भएको आरोप लगाए । 

प्रधानमन्त्रीको हैसियतमा आफूले संविधान संसद् निकासका लागि काम चलाउ सरकारको सिफारिस गरेको तर त्यो सुझाव विपरीत सरकार गठन गरेकोप्रति उनको आपत्ति छ। 

ओलीले आफ्नो राजनीतिक प्रतिवेदनमा भनेका छन्, ‘असोज परिस्थितिका विषयमा गैर सांसद व्यक्तिलाई प्रधानमन्त्री बनाउनुपर्ने भएपनि त्यसलाई संसदमार्फत संविधान संशोधन गरेर संवैधानिक प्रक्रिया मार्फत अगाडि बढाउने त्यसका लागि संसद्‌मा प्रतिनिधित्व गर्ने मुख्य दलहरूका बीच सहमति निर्माण गर्ने र कुनै पनि अर्थमा प्रतिनिधिसभा विगठन गर्नु नहुने हाम्रो स्पष्ट अडान थियो। सोही अनुरूप संविधानसम्मत निकासका लागि काम चलाउ सरकारको प्रधानमन्त्रीको हैसियतले मैले सिफारिस गरेको थिएँ तर त्यो सुझाव विपरीत संविधान बाहिरबाट सरकार गठन गरेको छ तसर्थ यो सरकार असंवैधानिक छ।’ 

ओलीले असामान्य परिस्थितिका बीचमा थप क्षति हुन नदिन प्रधानमन्त्रीबाट राजीनामा दिएको समेत स्पष्ट पारेका छन्। 

उनले भनेका छन, ‘असामान्य परिस्थितिका बीचमा थप क्षति हुन नदिन प्रधानमन्त्रीले राजीनामा दिसकेपछि अन्योलपूर्ण अवस्थालाई निकास दिन हामीले संविधान संसद् विकल्पहरू प्रस्तुत गरेका थियौँ।’