एजेन्सी– अमेरिकी राष्ट्रपति डोनाल्ड ट्रम्पका पूर्व अधिवक्ता माइकल कोहेनले ट्रम्पविरुद्ध कङ्ग्रेसमा बयान दिएका छन्।

माइकल कोहेनले कङ्ग्रेस समक्ष बयान दिनुअघि अमेरिकी सञ्चारमाध्यमले पाएको सूचना अनुसार कोहेनले ट्रम्पका पूर्व साझेदार रोजर स्टोनले डेमोक्रयाटिक पार्टीकी तत्कालिन राष्ट्रपतीय उम्मेद्वार हिलारी क्लिन्टनसम्बन्धी विवादित सूचना विकिलिक्सिसँग चुहाएको बयान दिने जनाइएको छ । बयानमा कोहेनले ट्रम्पलाई रंगभेदी, ठग तथा झुठो व्यक्तीको संज्ञा दिने समेत बताइएको छ ।

त्यसबाहेक कोहेनले ट्रम्पले आफ्नो राष्ट्रपतीय अभियानका क्रममा रुसको राजधानी मस्कोमा रियल स्टेटको व्यापारिक वार्तामा सक्रिय रहेको बताउनेछन् । कोहेनले ट्रम्पसँग नाम जोडिएकी वयस्क चलचित्रकी अभिनेतृ पोर्नस्टार स्ट्रोमी डेनियल्सलाई आफैँले व्यक्तिगत रुपमै १ लाख ३० हजार डलर दिएको बताउनेछन् ।