काठमाडौं– जेन-जीका नाममा गत भदौ २३ र २४ गते भएको हिंसात्मक प्रदर्शन क्रममा घाइते भएका २४ जना अझै विभिन्न अस्पतालमा उपचाररत रहेका छन् ।  

स्वास्थ्य तथा जनसंख्या मन्त्रालयले जारी गरेको विवरण अनुसार घाइतेमध्ये सबैभन्दा धेरै १० जनाको राष्ट्रिय ट्रमा सेन्टरमा उपचार भइरहेको छ भने वीर अस्पतालमा ३ जना, काठमाडौं मेडिकल कलेज सिनामंगलमा ३, टिचिङमा ३ जना घाइतेको उपचार भइरहेको छ । 

त्यस्तै पाटन अस्पताल, नेपाल पुलिस अस्पताल र नेपाल मेडिकल कलेज टिचिङ अस्पताल विराटनगरमा एक एक जना र बि एण्ड बि अस्पतालमा २ जनाको उपचार भइरहेको मन्त्रालयको विवरणमा उल्लेख छ । घाइते भएर अस्पतालमा आएका २ हजार ५ सय ७१ मध्ये २ हजार ४ सय ९८ जना निको भएर घर फर्किसकेका छन् ।