काठमाडौं– भौतिक पूर्वाधार तथा यातायात, शहरी विकास र ऊर्जा मन्त्री कुलमान घिसिङ फेरि क्षतिग्रस्त बीपी राजमार्ग अवलोकनमा पुगेका छन् । 

घिसिङले काभ्रेको रोशी गाउँपालिका र नमोबुद्ध नगरपालिकाको सिमाक्षेत्र चौकीडाँडाबाट सडक पुनर्स्थापनाको निरीक्षण गरे । घिसिङले असोज २४ गते साँझसम्म ट्र्याक खोलिसक्ने गरी कामलाई तीव्र बनाउन पनि निर्देशन दिएका छन् ।

बाढी-पहिरोले क्षतविक्षत सडकको मर्मतको प्रगति हेर्न मन्त्री घिसिङ भौतिक पूर्वाधार तथा यातायात मन्त्रालयका सचिव र सडक विभागका महानिर्देशकसहित काभ्रे पुगेका हुन् ।

त्यसक्रममा नमोबुद्धका मेयर कुन्साङ लामा, रोशी गाउँपालिकाका अध्यक्ष दिनेश लामा र महाभारत गाउँपालिकाका अध्यक्ष कान्छालाल जिम्बाले बाढी पहिरोले सडक कटान गर्दा आएको समस्या सुनाएका थिए ।