काठमाडौं– आईसीसी टी–२० विश्वकप छनोट अन्तर्गत समूह चरणको आफ्नो पहिलो खेलमा नेपालले अहिले कुवेतसँग प्रतिस्पर्धा गरिरहेको छ ।

ओमानमा जारी खेलमा टस हारेर पहिले ब्याटिङ गरिरहेको नेपालले चाैथाे विकेट गुमाएको छ । सन्दिप जाेरा चाैथाे विकेटकाे रूपमा ५ रन बनाएर पेभिलियन फर्किएका हुन् ।

यसअघि कुशल मल्ल तेस्रो विकेटका रुपमा ९ बलमा मात्र ४ रन बनाएर आउट भएका थिए । त्यस्तै कप्तान रोहित पौडेल १५ बलमा १६ रन बनाएर आउट भएका थिए भने ओपनर आसिफ शेख ७ बलमा मात्र २ रन बनाएर आउट भए ।

अहिले नेपालले ११.४ ओभरमा चार विकेट गुमाएर ६३ रन बनाएको छ । अहिले कुशल भुर्तेल ३३ रन बनाएर खेलिरहेका छन् भने उनलाई दीपेन्द्र सिंह ऐरिले साथ दिइरहेका छन् ।

नेपालसहित ९ राष्ट्रले टी२० विश्वकप एसियाइस्ट एसिया प्यासिफिक छनोटमा प्रतिस्पर्धा गर्न लागेका हुन्। नेपालले दोस्रो खेल शुक्रबार जापानसँग खेल्ने छ। नेपालले कुवेतसँगको भेटमा मिश्रित नतिजा निकालेको छ भने जापानसँग पहिलो पटक खेल्दैछ।

यो छनोट प्रतिस्पर्धाको समूह ‘ए’ मा युएई, मलेसिया र कतार छन् भने समूह ‘सी’ मा ओमान, पपुवा न्युगिनी र सामोआ छन्। समुह बीमा समूहमा नेपाल, कुवेतसँगै जापान रहेका छन्।

युएईमा वेस्ट इन्डिजसँगको सिरिज उचाल्दै ओमानमा भएका दुई अभ्यास खेल जितेको नेपाली टिम उच्च मनोबलका साथ प्रतियोगितामा सहभागी हुँदैछ।

नेपालको प्लेइङ्ग ११ मा
कप्तान रोहित पौडेल, विकेट किपर आसिफ शेख, कुशल भुर्तेल, कुशल मल्ल, सन्दीप जोरा, दीपेन्द्रसिंह ऐरी, ललितनारायण राजवंशी, सोमपाल कामी, नन्दन यादव, गुल्सन झा र सन्दीप लामिछाने ।