काठमाडौं– निर्वाचन आयोगले आगामी फागुन २१ गते हुने निर्वाचनको कार्यतालिका स्वीकृत गरेको छ। 

सोमबार एक विज्ञप्ति जारी गरेर आयोगले निर्वाचन कार्यतालिका स्वीकृत गरिएको जनाएको हो । 

जारी विज्ञप्तिअनुसार, निर्वाचन कार्यतालिका स्वीकृतसँगै दल दर्तादेखि मतगणनासम्मका सबै प्रक्रिया चरणबद्ध रूपमा सञ्चालन गरिने भएको छ। आयोगले समयबद्ध तयारीमार्फत निष्पक्ष र पारदर्शी निर्वाचन सम्पन्न गर्ने लक्ष्य राखेको छ।

पहिलो हुने निर्वाचित हुने निर्वाचन प्रणालीका लागि माघ २ गतेदेखि निर्वाचन अधिकृतको कार्यालय स्थापना हुनेछ । फागुन ३ देखि १८ गतेसम्म निर्वाचन प्रचारप्रसार हुने र तत्पश्चात् प्रचारप्रसार निषेधको अवधि रहने उल्लेख छ ।

यस्तै फागुन २१ गते बिहान ७ बजेदेखि बेलुका ५ बजेसम्ममतदान हुने छ।