मोरङ– अत्यधिक वर्षाका कारण मोरङमा १७६ परिवार विस्थापित भएका छन् । 

मोरङको केशलिया, सिंगिया र बक्राहा नदीमा आएको बाढी गाँउ पस्दा स्थानीयहरू विस्थापित भएका हुन् । उनीहरूलाई नजिकैको विद्यालयमा पुनर्स्थापित गराइएको मोरङका प्रमुख जिल्ला अधिकारी इन्द्रदेव यादवले जानकारी दिए । बाढी र डुबानका कारण मोरङमा २ सय ५१ परिवारका करिब एक हजार जना प्रभावित भएको बताइएको छ ।

विराटनगर महानगरपालिका छेउबाट बग्ने केशलिया खोला वडा नंं. १२ को मुसहर समुदाय बस्ने सम्पन्न बस्तीमा छिर्दा गाँउ नै विस्थापित भएको छ । यसैगरी सिंघिया खोलाले नदी किनारमा बसेका स्थानीयलाई विस्थापित गरेको छ ।

त्यस्तै बक्राहा नदीले सुनवर्षी नगरपालिका वडा नं. २ मा करिब १० मिटर तटबन्ध कटान गरेर बस्तीमा छिर्दा स्थानीयहरु विस्थापित भएको प्रमुख जिल्ला अधिकारी यादवले जानकारी दिए ।