काठमाडौं– नेकपा एमालेका नेता महेश बस्नेतले सरकारले आफूलाई गिरफ्तार गर्न लागेको भन्दै मिडिया ट्रायल चलाइरहेको बताएका छन्। 

बस्नेतले सामाजिक सञ्जाल फेसबुकमा राष्ट्रिय लोकतन्त्र र समृद्धिका निम्ति विदेशी दलालहरूले नेपालीलाई ध्वस्त पार्न खोजिरहेका दानवी प्रविधिहरूको विरुद्ध आवाज उठाएका कारण सत्ताधारीहरूको सातोपुत्लो गएको हुन सक्ने समेत बताएका छन्।

उनले आफ्नो ज्यानको अन्तिम सास रहुन्जेलसम्म पनि राष्ट्रियताको पक्षमा बोलिरहने समेत दाबी गरे । उनले आफ्नो दायित्वबाट कसैले ह्यारेन्समेन्ट गरेर पनि पन्छाउन नसक्ने समेत बताएका छन्।

बस्नेतले एमाले अध्यक्ष केपी शर्मा ओलीलाई गुण्डुमा बसोबास गर्ने व्यवस्थापन मिलाएका थिए। सोही भूमिकाप्रति उनीमाथि प्रहार भइरहेको उनको बुझाइ छ।