काठमाडौं- नेकपा माओवादी केन्द्रका उपमहासचिव जनार्दन शर्मा प्रभाकरले अहिले देखिएको जेन-जी विद्रोह पार्टीले जनयुद्धको बाटो भुलेकाले हुन पुगेको बताएका छन् ।

काठमाडौंको प्रज्ञा भवनमा जारी सातौँ केन्द्रीय समिति बैठकमा प्रस्ताव पेश गर्दै उपमहासचिव शर्माले नेकपा एमाले र नेपाली कांग्रेस पहिले नै बिग्रिसकेको अवस्थामा माओवादीले पनि त्यही बाटो समात्दा विद्रोहको अवस्था आएको बताएका हुन् ।

‘अहिलेको विद्रोहको कारणका रुपमा माओवादी मुख्य हो । कांग्रेस र एमाले पहिला नै भ्रष्टचारी भयो भनेर जनयुद्ध थालेका थियौँ’, उनले भने, ‘हामीले त्यति ठूलो बलिदा गर्‍यौँ तर माओवादी पनि कांग्रेस-एमाले जस्तै बिग्रिने बाटो लागेको देखेर जनता निराश भए । त्यही निराशा बढेर आक्रोशमा परिणत हुँदा जेन-जी विद्रोह भयो ।’

बैठकमा प्रस्ताव पेश गर्दै जनार्दनले पार्टी पदाधिकारी सबैले राजीनाममा दिनुपर्ने बताए । उनले राजीनामापछि प्रचण्ड नेतृत्वमा निर्देशक समिति यही केन्द्रीय समिति बैठकबाट बनाउने ग्यारेन्टी पनि मागेका छन् ।