काठमाडौँ- कृषि तथा पशुपंक्षी विकासमन्त्री मदन परियारले पदभार ग्रहण गरेका छन् ।
राष्ट्रपतिको कार्यालय शीतल निवासमा पद तथा गोपनीयताको सपथ लिएपछि सोमबार मन्त्रालय पुगेर मन्त्री परियारले पदभार ग्रहण गरे ।
पदभार ग्रहण गर्दै मन्त्री परियारले हरेक वर्ष देखिने मलको अभाव हुने समस्या समाधान गर्ने प्रतिबद्धता जनाए ।
त्यस्तै उनले फागुन २१ गते निर्वाचन गर्ने सरकारको अठोट रहेकाले त्यसलाई पूरा गर्न ध्यान केन्द्रित गर्ने बताएका छन् ।
उनले विभिन्न क्षेत्रमा देखिएका बेथितिलाई समेत अन्त्य गर्न मन्त्रालयका कर्मचारीसँग मिलेर अघि बढ्ने उल्लेख गरेका छन् ।
प्रतिक्रिया