काठमाडौं– विश्वकप छनोटको दोस्रो चरण अन्तर्गत अस्ट्रेलियाविरुद्धको खेलमा अग्रपङ्तीको जिम्मेवारी अभिषेक रिजालले पाएका छन् ।

यसअघिदेखि नियमित रुपमा अग्रपङ्ती सम्हाल्दै आएका स्टार खेलाडी विमल घर्ती मगरको स्थानमा अस्ट्रेलियाविरुद्धको खेलमा रिजालले अग्रपङ्तीको जिम्मा पाएका हुन् । अस्ट्रेलियाविरुद्धको खेलमा बिमल भने प्लेइङ ११ मा अटाएका छैनन् ।

नेपाली राष्ट्रिय टोलीका मुख्य प्रशिक्षक योहान कालिनले जारी गरेको प्लेइङ ११ मा अग्रपङ्तीमा रिजाल रहँदा मिडफिल्डको जिम्मेवारीमा सुजल श्रेष्ठ, अन्जन बिष्ट, रोहित चन्द, विशाल राई र रवि पासवाङ रहेका छन् । डिफेन्डरका रुपमा रञ्जीत धिमाल, देवेन्द्र तामाङ, अनन्त तामाङ र दिनेश राजवंशी छन् ।

यस्तै, गोलकिपरमा कप्तान किरण चेमजोङ रहेका छन् । नेपाल अस्ट्रेलियासँग पहिलो पटक खेल्न लागेको हो ।