बलिउड फिल्म ‘वार’ ले बक्स अफिसमा धमाकेदार व्यापार गरेको छ । यो फिल्म रिलिजको ८ दिनमा २ सय करोड क्लबमा इन्ट्री गरेको छ । फिल्मको आक्रामक व्यापार अझै पनि जारी छ ।

भारतका सिनेमा घरमा फिल्मले कमालको व्यापार गरेको छ । फिल्मले नेपालमा पनि उस्तै उत्साहजनक व्यापार गरेको छ ।

यो फिल्मले ७ दिनमा २ सय करोड व्यापार गरेर सलमान खान, आमिर खान र अक्षय कुमार जस्ता स्टारको फिल्म पनि पछाडि पारेको छ ।

बक्स अफिस इन्डियाको वेबसाइटअनुसार फिल्मको हिन्दी भर्सनले मात्र ९ अक्टोबरमा ११ करोडको कमाइ गरेको छ । यो फिल्मले हिन्दी भाषामा मात्र २ सय १९ करोडको व्यापार गरेको छ ।

यो फिल्म सन् २०१९ मा सबैभन्दा बढी कमाइ गर्ने फिल्म बनेको छ । फिल्मले पहिलो दिन मात्र ५१ करोड ६० लाख रुपैयाँ कमाइ गरेको थियो ।