काठमाडौं– जेज-नी आन्दोलनका क्रममा गत भदौ २३ र २४ गते भएको हिंसात्मक प्रदर्शनका क्रममा ज्यान गुमाएका १० जनाको आज अन्त्येष्टि गरिँदै छ ।
त्रिवि शिक्षण अस्पताल महाराजगन्जमा रहेका ९ र पाटन अस्पतालमा रहेका १ जना गरी १० जनाको अन्त्येष्टि गर्न लागिएको हो ।
उनीहरूको बलिदानको सम्मान गर्दै टिचिङ अस्पतालबाट चक्रपथ परिक्रमा गराई शव यात्रा गरि अन्त्येष्टि गर्ने तयारी गरिएको छ ।
शवयात्राका लागि टिचिङ अस्पतालबाट निकालिसकिएको अस्पतालका सुचना अधिकारी काली प्रसाद रोस्याराले जानकारी दिए ।
सोमबार मात्र सरकारले जेन–जी आन्दोलनमा मृत्यु हुने व्यक्तिहरूलाई शहिद घोषणा गर्ने निर्णय गरेको थियो ।
प्रतिक्रिया