काठमाडौँ- नवनियुक्त अर्थमन्त्री रामेश्वर खनालले सोमबार अर्थ मन्त्रालयमा पदभार ग्रहण गरेका छन् । उनले पदभार ग्रहणका क्रममा सबै कर्मचारी सच्चिनुपर्ने बताएका छन् ।

उनले सरकारको स्रोत र करदाताको पैसाको सदुपयोग भएको नभएको विषयमा ध्यान दिनुपर्ने पनि बताएका छन् ।

‘मैले काम गर्दा नेपाल सरकारको स्रोतको सदुपयोग हुँदैन कि, करदाताको पैसाको सदुपयोग हुन सक्दैन कि सार्वजनिक सम्पत्तिको सदुपयोग हुन सक्दैन कि, नेपाल सरकारले सार्वजनिक प्रयोगको निम्ति भनेर खरिद गरेको मैले व्यक्तिगत वा अन्य प्रयोगमा गरेको छु कि भनेर यी सबै कुरालाई ध्यान दिएर हामी सँच्चिनै पर्छ’, उनले भने ।

उनले सँच्चिनका लागि कर्मचारीहरूलाई आग्रह गर्दै त्यो विषयलाई बुझ्न सक्छन् भन्ने भनाइ राख्दै कुनै कर्मचारीले गल्ती गरेमा प्रशासकीय जिम्मेवारीअनुसार अर्थसचिवले तुरुन्त गर्नुपर्ने समेत बताए ।