काठमाडौं– सभामुख देवराज घिमिरेले अन्तरिम सरकारका नवनियुक्त मन्त्रीहरूको शपथ ग्रहण समारोह बहिष्कार गरेका छन् । 

शीतलनिवासमा सोमबार आयोजित नवनियुक्त मन्त्रीहरूको शपथ ग्रहण समारोहलाई सभामुख घिमिरेले बहिष्कार गरेका हुन् । 
तर, राष्ट्रियसभाका अध्यक्ष नारायणप्रसाद दाहाल भने शपथ ग्रहण समारोहमा सहभागी भएका छन् । 

यसअघि उनी पनि सभामुख घिमिरेसँगै नवनियुक्त प्रधानमन्त्री सुशीला कार्कीको शपथ ग्रहण समारोहमा अनुपस्थित थिए । 
जेन–जी पुस्ताको आन्दोलनपछि विकसित राजनीतिक घटनाक्रमका बीच राष्ट्रपति रामचन्द्र पौडेलले कार्कीलाई शुक्रबार अन्तरिम सरकारको प्रधानमन्त्रीमा नियुक्त गरेका थिए । 

शपथ खाएलगत्तै प्रधानमन्त्री कार्कीले प्रतिनिधिसभा विघटन गरेकी थिइन् ।