काठमाडौं– अन्य सरकारी कार्यालयसँगै जेनजी प्रदर्शनकारीले सडक विभागमा लगाएको आगो हालसम्म पनि नियन्त्रणमा आएको छैन ।

दमकल नपाएका कारण मंगलबारदेखि लागेको आगो नियन्त्रण गर्न नसकिएको विभागका उपमहानिर्देशक प्रभात कुमार झाले बताए । 

‘महानगरले दमकल पठाएको छैन आज बिहान बल्ल ललितपुर महानगरको दमकल आएको छ, माथिल्लो तल्लामा आगो निभाउन दमकलकर्मीहरू खटिरहेका छन् ।

आशा छ यसले पहिलो तला र भुईँ तल्लालाई बचाउनेछ’, उनले बताए ।  विभागमा के कति क्षति पुगेको छ भन्ने हाल अनुमान गर्न सकिने अवस्था नरहेको उनले बताए ।

‘क्षतिबारे अझै २/४ दिनसम्म आकलन गर्न सकिँदैन, अब यहाँबाट काम गर्न सक्ने अवस्था पनि छैन, बचेका सामान निकाल्दै छाैँ अब पुरानै कार्यालय ललितपुर चाकुपातबाट काम गर्ने योजना बनिरहेको छ ‘, उनले बताए ।