काठमाडौं- दशैंको समयमा महानगरीय ट्राफिक प्रहरी महाशाखाले उपत्यकामा सवारीचालकमाथि थप निगरानी बढाएको छ ।
यही असोज ५ गतेदेखि लागू भएको चाडपर्वलक्षित सुरक्षा योजना अन्तर्गत ट्राफिक प्रहरीले विशेष निगरानी बढाएको हो ।
यसक्रममा यात्रीहरुसँग बढी भाडा लिने ३१४ जना, क्षमताभन्दा बढी यात्री राखेर सवारी चलाउने ४० जना चालक, लामो दूरीको सवारी–साधनमा अनिवार्य दुईजना चालक राख्ने नियम पालना नगर्ने २६ जनालाई कारबाही गरिएको महाशाखाले जनाएको छ ।
महाशाखाकाअनुसार मादकपदार्थ सेवन गरी सवारी चलाउने १५ सय ३ जना र हेल्मेट प्रयोग नगरी तीव्रगतिमा मोटरसाइकल चलाउने १५ जना पनि ट्राफिक कारबाहीमा परेका छन् ।
प्रतिक्रिया