काठमाडौं– जेन–जी पुस्ताको आन्दोलनको कारण फिल्म ‘अभिमन्यु’को प्रदर्शन रोकिएको छ ।
फिल्म निर्माण कम्पनी सेभेजसिज सिनेमाले सोमबार प्रेस विज्ञप्ति जारी गरी प्रदर्शन स्थगन भएको जानकारी दिएको हो ।
प्रदर्शनकारी ज्यान गुमाएका कारण नैतिक र भावनात्मक दृष्टिले फिल्म प्रदर्शनमा नल्याउने निर्णय गरिएको विज्ञप्तिमा उल्लेख गरिएको छ ।
यो फिल्मको प्रदर्शन मिति भदौ २७ लाई तोकिएको थियो । निर्माण पक्षले फिल्मको नयाँ प्रदर्शन मिति चाँडै सार्वजनिक गर्ने जानकारी दिएको छ ।
जेन–जी पुस्ताले सोमबार काठमाडौंमा प्रदर्शन गरेको थियो । अहिलेसम्म उक्त प्रदर्शनमा सहभागी १९ ज्यान गुमाइ सकेका छन् ।
प्रतिक्रिया