काठमाडौं– जेनजीको आन्दोलन हिंसात्मक बनेपछि घाइते भएका प्रदर्शनकारीको उपचारका लागि रगत अभाव भएको छ । घाइते प्रदर्शनकारीलाई मुख्य रुपमा बानेश्वरस्थित निजामती अस्पातल र ट्रमा सेन्टर अस्पतालमा लगिएको छ ।

उनीहरुको उपचारका लागि रगत अभाव भएको अस्पतालहरुले जनाएका छन् । उपचारमा संलग्न चिकित्सकहरुका अनुसार काठमाडौं उपत्यकामा नै रगत अभाव भएको छ ।

ट्रमा सेन्टरमा नै रगतको चरम अभाव भएको पाइएको छ । घाइते साथीको उपचारका लागि वीरबाहिर सडकमा निस्किएर उनीहरु सर्वसाधरणसँग रगत मागिरहेका छन् ।

वीरमा अहिले ५० जना प्रदर्शनकारी उपचाररत छन् । अहिलेसम्म ६ जना प्रदर्शनककारीको उपचारका क्रममा मृत्यु भएको ट्रमाले पुष्टि गरेको छ ।

सबैभन्दा बढी प्रदर्शनकारीले उपचारको क्रममा ट्रममा नै ज्यान गुमाएका छन् ।