काठमाडौं– पिङ खेल्नु तथा चंगा उठाउनु दशैंमा रमाइलो गर्ने पाटा हुन् ।

पछिल्ला केही वर्षयता काठमाडौं उपत्यका लगायतका प्रमुख शहरका आकाशमा निकै कम चङ्गा उडेको देखिन्छन्। लिङ्गे पिङ पनि लोप हुने अवस्थामा पुगेका छन् ।

अव्यवस्थित शहरीकरण र खुल्ला ठाउँको अभावका कारण यस्तो अवस्था सिर्जना भएको हो ।

राष्ट्रिय तथा अन्तर्राष्ट्रिय स्तरका चङ्गा उडाउने प्रतिस्पर्धामा नेपालको प्रतिनिधित्व गरेका चङ्गावाज निर्मलमान तुलाधर चङ्गाको परम्परा जोगाउन प्रविधिको प्रयोग गर्न समेत पछि पर्न नहुने सुझाउँछन् ।

युवा पुस्ताको इन्टरनेट, भिडियो गेम र स्मार्टफोनप्रतिको बढ्दो मोहले गर्दा चङ्गा उडाउने परम्परा लोप हुँदै‌ गएको कतिपयको बुझाइ छ। नेपालमा चीन र भारतबाट बढी मात्रामा चङ्गाहरु आयातित गरिन्छ । बीबीसीबाट