काठमाडौं– नेकपा एमालेको केन्द्रीय सचिवालय बैठक सुरु भएको छ । 

पार्टी कार्यालय च्यासल ललितपुरमा बैठक सुरु भएको हो । आजको बैठकमा भोलिबाट ललितपुरमा हुने विधान महाधिवेशनबारे छलफल हुने छ । 

विधान महाधिवेशनमा प्रस्तुत हुने तीन वटा फरक दस्ताबेजलाई सचिवालय बैठकले अन्तिम रूप दिएर पास गर्ने छ । बैठकमा अधिकांश सचिवालयका नेताहरू उपस्थित छन् । 

विधान महाधिवेशनमा अध्यक्ष ओलीले राजनीतिक प्रतिवेदन, महासचिव शंखर पोखरेलले संगठनिक प्रतिवेदन र विधान संशोधन प्रस्ताव उपाध्यक्ष विष्णु पौडेलले प्रस्तुत गर्ने छन् । 

आजको बैठकमा वरिष्ठ उपाध्यक्षले फरक दस्ताबेज ल्याउन लागेको विषयमा पनि चर्चा हुने देखिन्छ । यो बैठक निकै पेचिलो बन्ने एमाले नेताहरूको भनाइ छ ।