काठमाडौं– राष्ट्रिय प्रजातन्त्र पार्टी (राप्रपा)का चीनको ग्लोबल सेक्युरिटी इनिसियटिभ (जीएसआई) मा नेपालले सहमति जनाएको विषयमा प्रधानमन्त्री केपी शर्मा ओलीको जवाफ मागेको छ ।  

प्रतिनिधि सभाको बिहीबारको बैठकको आकस्मिक समयमा महामन्त्री डा. धवल शमशेर राणाले पार्टीका तर्फबाट प्रधानमन्त्री ओलीको जवाफ माग गरेका हुन् । 

‘हाम्रो सम्माननीय प्रधानमन्त्रीज्यू चाइना भ्रमणमा जाँदा चाइनिज मिडियामा नेपालले ग्लोबल सेक्युरिटी इनिसियटिभ (जीएसआई) मा सहमति जनाएको भन्ने कुरा आयो,’ उनले भने, ‘यो कुरा हाम्रो असंलग्न नीति, हामीले बोकेको नन एलाइन्मेन्ट नीतिबाट फरक हो । यस्तो कुरा भएको छ भने नेपाललाई आउने दिनमा घातक हुन सक्ने स्थिति छ । यो कुरालाई सदनको अगाडि आएर प्रष्ट भन्नु पर्‍यो  ।’ किन कि हाम्रो परराष्ट्र नीतिबाट अलग जान लाग्यौँ, फरक हामीले कुरा राख्न लाग्यौँ भने यो सदनले जानकारी पाउनुपर्छ ।’