काठमाडौं – नेपाली कांग्रेसका सभापति शेरबहादुर देउवाले तीजले हाम्रो संस्कृतिक पहिचान भएको बताएका छन् । तीजको अवसरमा शुभकामना दिँदै पूर्वप्रधानमन्त्रीसमेत रहेका सभापति देउवाले यस्तो बताउनुभएको हो।

सभापति देउवाले भन्नुभयो, ‘यी पर्वहरूले हाम्रो सामाजिक जीवनलाई मात्र होइन, हाम्रो सांस्कृतिक पहिचानलाई समेत मजबुत बनाएको छ । यी पर्व हाम्रा पहिचान हुन्, गौरव हुन् ।’

तीज जस्तो पर्वले आजको दिनमा हाम्रो देश, समाज र सबैको पारिवारिक जीवनमा सुखद अपनत्व अभिवृद्धि गर्न सक्ने बताए । ‘हरितालिका तीजका अवसरमा स्वदेश तथा विदेशमा रहनु भएका समस्त नेपाली दिदीबहिनीमा पार्टी र मेरो तर्फबाट सुख, शान्ति र समृद्धिको हार्दिक शुभकामना व्यक्त गर्दछु’, शुभकामना दिँदै देउवाले भनेका छन्।