काठमाडौं– सिंगापुरमा जारी त्रिकोणात्मक सिरिज अन्तर्गत जिम्बावेले नेपाललाई जितका लागि एक सय ६१ रनको लक्ष्य प्रस्तुत गरेको छ ।

सिंगापुरको इन्डियन एसोसियसन मैदानमा टस हारेर पहिले ब्याटिङको निम्तो पाएको जिम्बावेले २० ओभरमा ६ विकेट गुमाउँदै १६० रन बनाएको हो ।

नेपालले पहिलो ओभरमा नै विकेट लिन सफल भएको थियो । नेपालका लागि सन्दिप लामिछानेले जिम्बावेको खाता नखुल्दै पहिलो विकेट लिन सफल भए ।

जिम्बावेका ओपनर ब्रायन चारी खाता खोल्न नपाउँदै आउट भए । त्यसपछि जिम्बावेले ३० रनमा जोड्दा नेपालले दोस्रो विकेल लिन सफल भएको थियो ।
दोस्रो विकेटका लागि सोमपाल कामीले रेगिसलाई मात्र ६ रनमा आउट गरे । त्यसको लगत्तै पुनः सन्दीप लामिछानेले नेपाललका लागि तेस्रो विकेट लिएका थिए ।
सन्दीपले जिम्बावेको स्कोर ३८ रन हुँदा ब्यक्तिगत दोस्रो तथा टिमका लागि तेस्रो विकेट लिन सफल भएका थिए ।

जिम्बावेका पिटर मोर १४ रनमा आउट भए । चौथो विकेटका सोमपालले लिए । टिनोटेन्डालाई सोमपालले २० रनमा आउट गराए । सोमपालको यो ब्यक्तिगत दोस्रो विकेट हो ।

त्यसपछि जिम्बावेका कप्तान सिनलाई पारस खड्काले ५३ रनमा आउट गरेपछि नेपालले पाँचौ सफलता हात पार्यो । जिम्बावेका लागि सिन विलियन्सले सर्वाधिक ५३ रन बनाएका थिए । यसैगरी रिचमन्डले १७ रन बनाए भने बुर्लले २८ रनको योगदान गरेका थिए । केही बेरमा नेपालले ब्याटिङ गर्नेछ ।