काभ्रे– नेपाली कांग्रेसको निकट भातृ संगठन नेपाल तरुण दल काभ्रेले पूर्णकालीन सदस्यताको फाराम वितरण सुरु गरेको छ ।

शनिबार नेपाल तरुण दल काभ्रेका अध्यक्ष सुजन लामाको अध्यक्षतामा नेपाली कांग्रेसको पार्टी कार्यालय बनेपामा बसेको बैठकमा नेपाली कांग्रेस काभ्रेका जिल्ला सभापति एवं बागमती प्रदेश सभा सदस्य माननीय तीर्थ लामाको प्रमुख आतिथ्यमा जिल्लाको १३ वटै पालिकाका अध्यक्षहरूलाई पूर्णकालीन सदस्यताको फाराम वितरण सुरु गरेको छ ।

बैठकमा प्रमुख अतिथि नेपाली कांग्रेस काभ्रेका जिल्ला सभापति लामाले तरुण दल पार्टीको मेरुदण्ड भएकोले तरुण दल बलियो भएको खण्डमा मात्र पार्टी बलियो हुने भएकोले जिल्लाका सबै तरुण युवाहरूलाई समेटेर लैजान निर्देशन दिएका छन् । साथै लामाले तरुण दलको ५ औं महाधिवेशनलाई भव्य र सभ्य बनाउनको लागि शुभकामना समेत दिएका छन । 

त्यस्तै तरुण दल काभ्रेका जिल्ला अध्यक्ष सुजन लामाले संगठनलाई थप मजबुत बनाउँछु भनेर आउन चाहने युवाहरूलाई नछुटाईकन पूर्णकालीन सदस्यता बितरण गर्न निर्देशन दिएका छन् ।