काठमाडौं– स्वास्थ्य तथा जनसंख्या मन्त्रालयले मातहतका निकाय अस्पताल तथा स्वास्थ्य संस्थाहरूसँग जग्गाको विवरण माग गरेको छ । 

विभिन्न ठाउँबाट जग्गा अतिक्रमण भएको गुनासो आउन थालेपछी मन्त्रालयले विभिन्न २३ वटा अस्पताल तथा स्वास्थ्य संस्थाहरूलाई जग्गाको विवरण ७ दिनभित्र उपलब्ध गराउन पत्राचार गरेको हो । 

विभाग, केन्द्र, अस्पताल, प्रयोगशाला, सेन्टर समेतका नाममा केकति जग्गा दर्ता कायम रहेको छ ? दर्ता जग्गा के कति छ ? जग्गाको उपयोगको अवस्था के छ ? अन्य निकाय वा व्यक्तिलाई जग्गा उपयोग वा लिजमा उपलब्ध गराएको छ- छैन ?  उपयोग वा लिजमा उपलब्ध गराएको भए के कुन मितिमा कति जग्गा कुन व्यक्ति वा निकायलाई के कुन शर्तमा उपलब्ध गराएको छ ?  सम्पूर्ण व्यहोरा स्पष्ट हुनेगरि विवरण खुलाई पठाउनु मन्त्रालयले लेखेको पत्रमा उल्लेख छ ।