काठमाडौं – शिक्षामा भइरहेको व्यापारीकरण र मौलिक हकको उल्लंघनको विरोधमा विद्यार्थीहरू आन्दोलित भएका छन्। बुधबार साँझ नेकपा (बहुमत) निकट अखिल (क्रान्तिकारी)का विद्यार्थीहरूले प्रधानमन्त्री केपी शर्मा ओली र शिक्षामन्त्री रघुजी पन्तको पुत्ला दहन गरेका छन्।

डिल्लिबजारबाट सिंहदरबारतर्फको सडक खण्डमा प्रदर्शन गर्दै विद्यार्थीहरूले पुत्ला जलाएका हुन्। संगठनका सचिव डीबी शाहीका अनुसार, साउन २ गतेका लागि घोषणा गरिएको देशव्यापी शैक्षिक हड्ताललाई सफल बनाउन यो कार्यक्रम गरिएको हो।

शाहीका अनुसार संविधानको धारा ३१ मा सुनिश्चित गरिएको शिक्षासम्बन्धी मौलिक हकको उल्लंघन भइरहेको, शिक्षालाई निजीकरण तथा व्यापारीकरणतर्फ लैजान खोजिएको, र शैक्षिक माफिया तथा दलालहरूको संरक्षण भइरहेको आरोप विद्यार्थीहरूले लगाएका छन्।