जीम गर्दा होस् वा कुनै शारिरीक परिश्रम वा घाममा हिड्दा हाम्रो शरीरमा पसिना आउने गर्दछ । यसरी आउने पसिनाले शरीरलाई धेरै गर्मी हुनबाट बचाउन तथा शरीरको सुरक्षा गर्न पसिना बाहिर फाल्ने गर्दछ ।

पसिना आउदा शरीरको भित्रि भागबाट छालाका छिद्रबाट नुनीलो पानी बाहिरीने गर्दछ । तर यसरी आएको पसिना दुर्गन्धित पनि हुने गरेको छ ।

पसिना आउने प्रणालीलाई समस्याका रुपमा लिने धेरै मानिसहरु छन् । तर पसिनाका धेरै फाइदाहरु छन्, जसले शरीरलाई फाइदा गर्छ ।

शरीरमा फुर्ती बढाउछ

शरीरमा आउने पसिनाले शरीरलाई चिसो राख्न भूमिका खेल्दछ । पसिनामा हुने पानी, सोडियम र क्लोराइड, तथा पोटासियमले शरीरलाई स्वस्थ्य राख्दछ ।

बिकार निकाल्न मद्दत

लामो समयबाट शरीरमा थुप्रिएका विकार निकाल्ने सबैभन्दा उत्तम विकल्प भनेको पसिना निस्कनु नै हो । शरीर भित्रको हानिकारक पदार्थ, जस्तै कोलेस्ट्रोल, नुनिलो पदार्थ लगायतका विकार निकाल्ने राम्रो माध्यम नै पसिना हो । छालाका समस्या, डण्डिफोर लगायतका शरीरमा विकार पैदा गर्ने तत्व समेत पसिना मार्फत निस्कने गर्दछ ।

मृगौलाको पत्थरी नियन्त्रण

निरन्तर निस्कने पसिनाले शरीर भित्र थुप्रिएको नुनलाई बाहिर निकाल्ने तथा हड्डीमा क्याल्सियमको मात्रा बनाइराख्न मद्दत गर्छ । जसले मृगौलामा क्याल्सियम र नुनको सही मात्रामा रहि पत्थरी हुनबाट बचाउछ । धेरै पसिना बगाउने व्यक्तिलाई मृगौलामा हुने पत्थरीको खतरा कम हुन्छ ।

रोगसंग लड्ने क्ष्ँमतामा वृद्धि

पसिनामा हुने एण्टीमाइक्रोवायल पेपटाइड्सले ट्युवर क्लोसिस तथा अन्य जिवाणुसंग लड्न मद्दत गर्दछ । नाच्दा वा शारीरीक व्यायाम गर्दा निस्कने पसिनाले विभिन्न प्रकारको रोगसंग लड्ने क्षमतामा वृद्धि गर्छ ।