काठमाडौं– काठमाडौंको पुतलीसडकस्थित शंकरदेव क्याम्पस अगाडि एक युवकमाथि चुक्कु प्रहार भएको छ ।

शंकरदेव क्याम्पस अगाडि रहेको एक खाजा पसलमा साथीलाई भेट्न आएका युवकमाथि चक्कु प्रहार भएको प्रहरीले जनाएको छ ।

चक्कु प्रहारबाट घाइते भएका युवकको परिचय खुल्न सकेको छैन । प्रहरीले घाइते र चक्कु प्रहारमा संलग्न दुवै जनालाई नियन्त्रणमा लिएर महानगरीय प्रहरी वृत्त सिंहदरबार लगेको छ ।

घटनाबारे बुझ्नका लागि दुवैलाई प्रहरी वृत्त सिंहदरबार लगिएको महानगरीय प्रहरी परिसर काठमाडौंका प्रमुख एसएसपी उत्तमराज सुवेदीले जानकारी दिए ।

चक्कु प्रहारबाट सामान्य घाइते भएका युवकको घटनास्थल नजिकैको एक क्लिनिकमा सामान्य उपचारपछि प्रहरीले सँगै लगेको हो ।