काठमाडौं- गृहमन्त्रालयले अध्यागमन विभागका महानिर्देशक र त्रिभुवन अन्तर्राष्ट्रिय विमानस्थल अध्यागमन कार्यालय प्रमुखसहित पाँच सहसचिवको सरुवा गरेको छ ।

मन्त्रालयले अध्यागमन विभागको महानिर्देशक रामचन्द्र तिवारीलाई बनाएको छ। अध्यागमन कार्यालय, त्रिभुवन अन्तर्राष्ट्रिय विमानस्थल प्रमुखमा नरहरि घिमिरेलाई पठाइएको छ ।

तिवारीलाई अध्यागमन विभाग गएपछि गोविन्दप्रसाद रिजाललाई गृह मन्त्रालयमा ल्याइएको छ ।

त्यसैगरी त्रिभुवन अन्तर्राष्ट्रिय विमानस्थल, अध्यागमन कार्यालयका प्रमुख विष्णुप्रसाद कोइरालालाई मन्त्रालयमा तानिएको छ। उनको स्थानमा सहसचिव घिमिरेलाई पठाइएको हो।

घिमिरे अहिले खोटाङका प्रमुख जिल्ला अधिकारी छन्। उनी त्यसअघि अख्तियार दुरुपयोग अनुसन्धान आयोगमा प्रवक्ता थिए । मन्त्रालयबाट सहसचिव कल्पना श्रेष्ठलाई खोटाङको प्रमुख जिल्ला अधिकारी बनाएर पठाइएको छ ।