काठमाडौं– जाजरकोटको नलगाड नगरपालिका-७ चामाखेत बस्ने २२ वर्षीय शिशिर चन्दको करेन्ट लागेर सोमबार दिउँसो मृत्यु भएको छ । 

सोही नगरपालिका-४ गाडेखोलास्थित पोलमा चढि विद्युतको तार मर्मत गर्ने क्रममा करेन्ट लागेर गम्भीर घाइते भएका उनको नगर अस्पताल दल्लीमा उपचारको क्रममा मृत्यु भएको हो ।

त्यसतै नवलपरासी पूर्वको कावासोती नगरपालिका-२ डेरा गरी बस्ने बर्दिया ठाकुरबाबा नगरपालिका-२ घर भएका ३५ वर्षीय सरोज थारूको करेन्ट लागेर सोमबार दिउँसो मृत्यु भएको छ । 

कावासोती नगरपालिका-३ पुरानो कावासोतीस्थित निर्माणाधीन सरकारी भवनको सभाहलमा फर्मा सेटिङको लागि ड्रिल गर्ने क्रममा करेन्ट लागेर गम्भीर घाइते भएका उनको मध्यबिन्दु प्रादेशिक अस्पताल डण्डामा उपचारको क्रममा मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको छ ।