काठमाडौं– ‘बोस्निया एण्ड हर्जगोविना’ को एउटा शहर सेब्रेनिकामा शुक्रबार (जुलाई ११) मा हजारौँ मानिस भेला भएका छन् । ३० वर्ष पहिले भएको नरसंहारको सम्झनामा उनीहरू स्रेब्रेनिकामा भेला भएका हुन् ।

दोस्रो विश्वयुद्ध पछि बोस्नियाली सर्ब सेनाद्वारा गरिएको युरोपको सबैभन्दा खराब अत्याचार मध्ये एउटा रहेको समाचार संस्था एफपीले जनाएको छ ।

स्मरणोत्सवको पूर्वसन्ध्यामा नरसंहारका पीडित र बाँचेकाहरूको सम्झनामा १०० किलोमिटरभन्दा बढी पैदल यात्रा गरेका हजारौं स्रेब्रेनिका शान्ति पैदलयात्रीहरू स्रेब्रेनिका–पोतोकारी स्मारक केन्द्रमा आइपुगेका छन् ।

सन् १९९० को दशकमा बोस्नियाको अन्तर–जातीय युद्धको सबैभन्दा रक्तपातपूर्ण घटनाको रूपमा चिनिन्छ । एएफपीका अनुसार यहाँ नरसंहारका सात पीडितहरूको अवशेषलाई स्मरणार्थमा अन्त्येष्टि गरिनेछ ।

जुलाई ११ सन् १९९५ मा तीन महिनाभन्दा बढी समयको घेराबन्दी पछि बोस्नियाली सर्ब सेनाले पूर्वी शहर स्रेब्रेनिका कब्जा गरेको थियो । जुन त्यतिबेला संयुक्त राष्ट्र सङ्घद्वारा संरक्षित ‘एन्क्लेभ’ थियो । त्यसपछिका दिनहरूमा उनीहरूले आठ हजार मुस्लिम पुरुष र किशोरहरूलाई मारेका थिए । र सामूहिक चिहानमा गाडेका थिए ।