काठमाडौं- पछिल्लो समय बैंकिङ प्रणाली ह्याक गरी तथा पासवर्ड चोरी रकम निकाल्ने घटना सार्वजनिक भएपछि सुरक्षा निगरानी बढाउन नेपाल राष्ट्र बैंकले जनाएको छ ।

बैंकिङ कारोबार गर्दा प्रयोगकर्ताहरुले विशेष साबधानी अपनाउनुपर्ने विज्ञहरुले बताएका छन् । बैंकिङ कारोबार गर्दा यी निम्म कुरामा ध्यान दिनुपर्ने बिज्ञहरुको सुझाव छ–

• आफूले काम गर्ने स्थान र व्यक्तिगत कामका लागि प्रयोग गर्ने डिभाइस भिन्नभिन्न राख्ने
• व्यक्तिगत प्रयोजनका लागि कार्यालय वा काम गर्ने स्थानका डिभाइस प्रयोग गर्नुपर्ने अवस्था आएमा उच्च सुरक्षा प्रबन्ध गर्ने
  एकदमै सुरक्षित खाले युजर नेम र पासवर्ड राख्ने
• दुई तहको अथेन्टिकेशन राख्ने
• सामाजिक सञ्जालहरूमा आउने कुनै पनि लिङ्कहरू सीधै नखोल्ने
• स्मार्टफोन र अन्य डिभाइसमा भेरिफाइड तथा सुरक्षित एप्लिकेशनहरू मात्र राख्ने
• आफ्ना सूचनाहरू सकेसम्म जताजतै शेअर नगर्ने
• आफ्ना ब्याङ्क कार्डहरूको विवरण जता पायो त्यतै अप्डेट नगर्ने
• जुन पायो त्यही अनलाइन कारोबार गर्ने कम्पनीहरूबाट खरिद नगर्ने
• अन्लाइन भुक्तानीको सुविधा लिनुपर्दा उक्त कम्पनीले डेटा सुरक्षा गर्न सक्छ कि सक्दैन, रकम हरायो वा चोरियो भने फिर्ता गर्न सक्छ वा सक्दैन, उसका सर्तहरू कस्ता छन् पढेर मात्र सेवा लिने