काठमाडौं – आफ्नो अभिनय रहेको दुईवटा फिल्म प्रदर्शनमा आएपछि नायिका सनिशा भट्टराईले रङ्गमञ्चमा डेब्यू गर्ने भएकी छन् ।

कान्तिपुर थिएटरले मंगलबार नाटक ‘शिरीषको फूल’मा सनिशाको अभिनय रहने जानकारी दिएको हो ।

उनले नाटकमा ‘सकम्बरी’को भूमिका निर्वाह गर्ने बताइएको छ । उक्त पात्र नाटकको शीर्षमध्येको एक हो ।

यस नाटकका शीर्ष कलाकार नायक जीवन लुइँटेल पनि हुन् । लामो समय फिल्मबाट टाढा रहेका जीवन यही नाटकका लागि अमेरिकाबाट नेपाल आउने तयारीमा छन् ।

सम्बन्धित समाचार : नाटकमा डेब्यू गर्दै जीवन लुइँटेल

जीवन पनि यही नाटकबाट रङ्गमञ्चमा डेब्यू गर्दैछन् । यससँगै सनिशाले डेब्यू नाटकमा नायक लुइँटेलसँग मञ्ज साझा गर्ने पक्का भएको छ ।

गत वर्ष दशैँमा प्रदर्शनमा आएको फिल्म ‘१२ गाउँ’बाट उनले ठूलो पर्दामा डेब्यू गरेकी थिइन् । त्यसपछि उनले महानायक राजेश हमालको कमब्याक फिल्म ‘नरसिंहा : अभतार’मा अभिनय गरेकी थिइन् ।

उनले दर्जनौं हिट म्युजिक भिडियोमा अभिनय गरेपछि फिल्म अभिनयमा प्रवेश गरेकी हुन् ।