काठमाडौं- राष्ट्रिय प्रजातन्त्र पार्टीका प्रमुख सचेतक ज्ञानेन्द्र शाहीले पाँचभन्दा धेरै सहकारी संस्थाको बचत रकम ठगी गरेर फरार गितेन्द्रबाबु राई (जीबी) बारे संसद्मा प्रश्न उठाएका छन् ।

उनले मंगलबार बसेको संसद् बैठकमा बोल्दै जीबी राईलाई लुकाउन सरकारले अर्बौँमा डिल गरेको आरोप पनि लगाएका छन् । ‘जीबी राई कहाँ छन् ? जीबी राईलाई लुकाउनका लागि अहिलेको सरकारले कति अर्बमा डिल गर्‍यो?,’ उनले सोधे ।

यसअघि जीबीलाई पक्राउ गरेर ल्याउँछु भन्ने गृहमन्त्री रमेश लेखकले अहिले त्यसतर्फ चासोसमेत नदिएको पनि बताएका छन् ।

‘हिजो प्रतिपक्षमा हुँदा जीबी पक्राउ गरेर ल्याउँछु भन्ने गृहमन्त्री आज कुन दुलोमा लुकेर बस्नुभएको छ ?’, उनले सोधे, ‘हामीलाई जीबी राई चाहियो। सरकारले चाहेमा नसक्ने आधार छैन । सहकारी छानबिन समिति बनाएर जीबी पनि खोज्ने हामीले भनेका थियौँ ।’

प्रतिपक्षमा हुँदा जीबी राई पक्राउ गरेर ल्याउँछु भन्ने अहिलेका गृहमन्त्री लेख कुन दुलोमा लुकेर बसेका छन् भनेर उनले प्रश्न गरे । ‘हामीलाई जीबी राई चाहियो’, उनले भने, ‘सहकारीको विषयमा छानबिन गर्न बनेजस्तै भिजिट भिसामा पनि छानबिन समिति गठन हुनुपर्छ ।’