काठमाडौं– प्रधानमन्त्री केपी शर्मा ओलीले अत्यावश्यकबाहेक पूर्वनिर्धारित अन्य कार्यक्रमहरू स्थगित गरेका छन् । 

उनले विपद्जन्य स्थितिका कारण मंगलबारका लागि तय भएका अत्यावश्यकबाहेकका अन्य कार्यक्रमहरू स्थगित गरेका हुन् ।
 
यसअघि प्रधानमन्त्री ओली मंगलबार दिउँसो १ बजे नेकपा (एमाले) केन्द्रीय कृषि तथा पशुपंक्षी विकास विभागद्वारा आयोजित ‘रैथाने बीउ तथा पशु नश्ल संरक्षण, विकास र प्रवर्द्धन : आत्मनिर्भर कृषि र राष्ट्रिय स्वाभिमानको आधार’ विषयक राष्ट्रिय नीति संवाद कार्यक्रममा सहभागी हुने कार्यक्रम थियो ।

यस्तै मंगलबार बेलुकी ५ बजे उनी नेपाल उद्योग परिसङ्घको २२ औँ साधारणसभामा सहभागी हुने कार्यक्रम रहेको सचिवालयले जानकारी दिएको थियो ।