आगामी अक्टोबर १५-१७ मा काठमाडौंमा हुने तय भएको एनआरएनए आइसिसिको नबौ अन्तर्राष्ट्रिय महाधिवेशनमा एनआरएनए युरोप संयोजक एवम् बेल्जियमका लाजि पर्यटन बोर्डका मानार्थ पर्यटन दूत शिव कुमार बरुवालले सचिव पदमा उम्मेदवारी घोषणा गरेका छन् ।

युरोप संयोजकको हैसियतले २ बर्ष कार्यकाल सफलता पूर्बक सम्पन्न गरी आगमी दिनमा एनआरएनएको अभियानलाई अझ समृद्ध र सुदृढ गरि सबै गैरआवासीय नेपालीहरुको अपनत्व हुने गरी नीति तथा कार्ययोजना अगाडि बढाउन र नेपालको समृद्धिमा एनआरएनलाई अझ बलियो सहयात्रीको रुपमा स्थापित गर्न आफुले एनआरएनको सचीव पदमा उम्मेदवारी दिन लागेको बरुवालले बताए ।

एनआरएनए बेल्जियमको स्थापनाकाल देखि नै एनआरएनएमा रहेका बरुवाल २००७ मा एनआरएनए बेल्जियमको सचिवालय सदस्य हुदैं यो अभियानमा आएका थिए ।

२००९–२०११ मा बेल्जियम एनआरएनएको महासचिव, २०११–२०१३ मा एनआरएनए अन्तर्राष्ट्रिय समन्वय समिति (आईसीसी) सदस्य सन २०१७- २०१९ मा एनआरएनए युरोप संयोजक मा निर्बाचित भै हाल युरोप सयोजक को हैसियतले एनआरएनएका बिभिन्न गतिविधिमा प्रत्यक्ष संलग्न हुँदै आएका छन् ।