काठमाडौं–नेपाल क्रिकेट संघ (क्यान) साधारण सभा आज (शुक्रबार) देखि शुरु हुँदैछ ।

काठमाडौंमा शुरु हुन लागेको साधारण सभाले ४ बर्षका लागि नयाँ नेतृत्व चुन्नेछ ।

साढे तीन बर्षदेखि अन्तर्राष्ट्रिय प्रतिबन्धमा रहेको क्यानले नयाँ नेतृत्व पाएसँगै अन्तर्राीष्ट्रय क्रिकेट परिषद् (आईसीसी) बाट निलम्बन फुकुवा हुने बाटो खुल्नेछ ।

आईसीसीले दिएको समाधानको बाटोबाटै क्यान निर्वाचन भइरहेका कारण पनि अब नेपाली क्रिकेटले निकास पाउने विश्लेषण खेल वृतमा हुन थालेको छ ।

क्यानको नयाँ नेतृत्वका लागि पूर्व अध्यक्ष विनयराज पाण्डे र निर्वाचित क्यानका पूर्व अध्यक्ष चतुरबहादुर चन्द चुनावी दौडमा रहेका छन् ।

नयाँ नेतृत्वका लागि चुनावी दौडमा रहेका दुवै जनाका चुनावी एजेन्डा भने साझ रहेका छन् ।

आईसीसीको निलम्बन फुकुवाका लागि पहल गर्ने, आर्थिक पार्दशिता कायम गर्ने, सुशासन कायम गर्नेसहित सरकारी हस्तक्षेप हुन नदिने जस्ता विषय उम्मेद्वार द्वयले उठाएकमा छन् ।