काठमाडौं– धनुषाको  जनकपुरधाम उपमहानगरपालिका-१४ स्थित सडकमा मधेश प्रदेश ०२-००१ क २२४० नम्बको टिपरले ज.८ प ७७४३ नम्बरको मोटरसाइकललाई मंगलबार दिउँसो ठक्कर दिँदा मोटरसाइकलमा सवार क्षिरेश्वरनाथ नगरपालिका-१० बस्ने ८० वर्षीय चलितर मण्डलको मृत्यु भएको छ । 

दुर्घटनामा गम्भीर घाइते भएका उनको प्रादेशिक अस्पताल जनकपुरमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालकलाई थप उपचारको लागि काब्या अस्पताल जनकपुर पठाइएको छ । टिपर चालकलाई प्रहरीले नियन्त्रणमा लिएको छ ।

त्यसतै सप्तरीको कञ्चनरूप नगरपालिका-२ महादेवपट्टीस्थित सडकमा वीरगंजबाट विराटनगरतर्फ जाँदै गरेको को.१ ख ५४३८ नम्बरको बसको ठक्करबाट सोही ठाउँ बस्ने रोजित शेखको छोरा ८ वर्षीय आयन शेखको मंगलबार बिहान घटनास्थलमै मृत्यु भएको छ । बस चालकलाई प्रहरीले नियन्त्रणमा लिएको छ ।

दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।