काठमाडौं– प्रधानमन्त्री तथा नेकपा एमालेका अध्यक्ष केपी शर्मा ओलीले मदन भण्डारीको विचारलाई मियो मानेर मुलुक अघि बढेको बताएका छन् ।

जनताको बहुदलीय जनवादका प्रणेता मदन भण्डारीको ७४औं जन्मजयन्तीको अवसरमा राष्ट्रिय सभा गृहमा आयोजित जबजका तीन दशक राष्ट्रिय गोष्ठीलाई सम्बोधन गर्दै प्रधानमन्त्री ओलीले भण्डारीले नेपालको राजनीतिमा मदन भण्डारीले पुर्‍याएको योगदानको चर्चा गरे ।

दिशानिर्देश, राजनीतिक विकासक्रम, इतिहास निर्माणको विशेष कालखण्ड, विश्वमा वामपन्थी र समाजवादी आन्दोलनमाथि भयानक शङ्का पैदा भएको बेलामा मदनको नेतृत्वमा नेकपा एमालेले नयाँ विचार अघि बढाएको बताए ।

सिद्धान्तको रक्षा गर्दै सुझबुझ र कार्यनीतिक रुपले समायानुकूल अघि बढ्ने नयाँ बाटोमा देश चल्नुपर्छ र वामपन्थी आन्दोलन र विश्व समाजवादी आन्दोलन अघि बढ्नुपर्छ भन्ने सिद्धान्तमा मदन भण्डारी अघि बढेको प्रधानमन्त्री ओलीले बताए ।