काठमाडौं– मदन भण्डारी फाउन्डेशनकी अध्यक्ष उषाकिरण भण्डारीले मदन भण्डारी फाउण्डेशन कुनै षडयन्त्रको सिद्धान्त नभएको बताएकी छन् । उनले फाउण्डेशन स्थापनालाई कन्स्पिरेसी थ्योरीका बनाउन आवश्यक नरहेको बताइन् ।

जनताको बहुदलीय जनवादका प्रणेता मदन भण्डारीको ७४औं जन्मजयन्तीको अवसरमा राष्ट्रिय सभा गृहमा आयोजित कार्यक्रममा स्वागत मन्तव्य व्यक्त गर्दै अध्यक्ष भण्डारीले मदन भण्डारीका सपनालाई अगाडि बढाउने एउटा प्रयत्न मात्र भएको बताइन् ।

‘४१ औं जन्मदिन देख्न नपाउँदै उहाँ अप्रत्याशित रुपमा हामीलाई छोडेर जानुभयो । त्यसपछि हिम्मत गरेर छरिएका जीवन र सपनालाई फेरि एकचोटि सङ्गालेर हामीले अघि बढ्ने प्रयत्न गर्‍यौं । यही प्रयत्न मध्ये एउटा प्रयत्न हो मदन भण्डारी फाउण्डेशनको स्थापना,’ अध्यक्ष भण्डारीले भनिन्, ‘कलिलो वा युवा उमेरमा जीवन गुमाएका दिवंगतहरूको पूरा नभएको सपना पूरा गर्नुपर्छ बाँचेकाले भन्ने मान्यता हाम्रो संस्कृतिमा छ । यो फाउण्डेशन स्थापना हुनु कुनै अनौठो वा अस्वभाविक कुरा होइन । यसलाई कन्स्पिरेसी थ्योरी बनाउन आवश्यक छैन । त्यस्ता कन्स्पिरेसी थ्योरी जति उडे पनि त्यसबाट विचलित नभई हामी अभियानमा लाग्नेहरु सदा लागिरहन्छौं ।’

उनले जबजलाई प्राज्ञिक अध्ययनको विषयसमेत बनाउन त्रिभुवन विश्वविद्यालयका ११ विभागसँग स्नातकोत्तर, एमफिल र विद्यावारिधि तहमा जबजबारे अनुसन्धान गर्ने विद्यार्थील छात्रवृत्ति प्रदान गर्ने सम्झौता भएको बताइन् । उनले मार्क्सवादको आधुनिक सिर्जनात्मक प्रयोगमा आधारित जबजलाई प्राज्ञिक अध्ययनको विषय बनाएर भावी पुस्तालाई हस्तान्तरण गर्न देशव्यापी बहस चलाउने बताइन्