काठमाडौं – चलचित्र ‘शुभ लभ’ को ट्रेलर सार्वजनिक गरिएको छ । निर्माण टिमले सामाजिक सञ्जाल युट्युबमार्फत ट्रेलर सार्वजनिक गरेको हो ।

युवा ज्योतिष हरिहर अधिकारीले यही फिल्ममार्फत फिल्ममा डेब्यु गर्दैछन् । उनले यो फिल्मको कथा केही हदसम्म आफ्नो जीवनसँग मेल खाने बताए ।

प्रदीपकुमार उदय प्रस्तुतकर्ता रहेको यो फिल्म बुद्ध इन्टरटेनमेन्टको ब्यानरमा निर्माण भएको हो । सन्तोषबाबु लोहनीको निर्देशन रहेको फिल्ममा धर्मराज शर्मा सुवेदीको लगानी रहेको छ ।

फिल्ममा हरिहर अधिकारी, कृष्टिन पौडेल, सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बाँस्तोला, डाक्टर सुर्या थापा लगायतका कलाकारको अभिनय रहेको छ ।

यस्तै फिल्ममा कलाकार अधिकारीको कथा, अभिमन्यु निरवीको पटकथा, अर्जुन पोखरेलको संगीत, रामेश्वर कार्कीको छायांकन तथा भुपेन्द्र अधिकारी र वनिष शाहको सम्पादन छ ।

चलचित्र चैत्र १५ गतेदेखि अल नेपाल रिलिज हुँदैछ ।